Afg‘onistonda hokimiyat tepasida qo‘g‘irchoqlar o‘tiribdi – Afg‘oniston sobiq vitse-prezidenti
Afg‘oniston sobiq vitse-prezidenti Amrulla Solih toliblarning 2.5 oylik hokimiyati davrida yuz bergan salbiy o‘zgarishlarni sanadi. Bu haqda “Sputnik Afganistan” xabar berdi.
Unga ko‘ra, “Tolibon” hukmronligi o‘rnatilgan 2,5 oylik davrda:
- Mamlakat YAIM 30 foizga kamaydi;
- Ayollar shariat niqobi ostida qullikka mahkum bo‘ldi;
- Fuqarolik infrastrukturasi halokatga uchradi;
- OAVlar yopilishi, so‘z erkinligi bekor qilindi;
- Shaharlardagi o‘rta sinf yo‘q bo‘ldi;
- Banklar yopildi;
- Afg‘on diplomatiyasi Dohada faoliyat olib bormoqda;
- Xalqaro munosabatlar va xavfsizlikka doir qarorlar Pokiston tomonidan qabul qilinmoqda;
- Nohukumat tashkilotlar markaziy hukumatdan kuchli;
- Hokimiyat tepasida qo‘g‘irchoqlar o‘tiribdi.
“Afg‘oniston Pokistonga qo‘shilib ketish uchun kattalik qiladi. Qaqnusning cho‘g‘dan tirilishini ko‘rish – faqat vaqt masalasi”, – degan Amrulla Solih.
Avvalroq Moskva formatidagi maslahatlashuvlardagi masalalar hamda AQSH Afg‘oniston yo‘nalishidagi siyosatni qayta ko‘rib chiqmoqchiligi haqida xabar berilgandi.
