Konte “Qizil iblislar”ni boshqarmoqchi
"Chelsi”, “Inter” va “Yuventus” klublarining sobiq bosh murabbiyi Antonio Konte “Manchester Yunayted”ni boshqarishni istamoqda.
Xabarlarga ko‘ra, mutaxassis “Manchester Yunayted”ning taklifini qabul qilishga tayyor, biroq u hali rasman qabul qilinmagan. Ingliz klubi hamon Ole-Gunnar Sulsherni ishdan bo‘shatish yoki bo‘shatmaslik borasida biror qarorga kelmagan.
“Manchester Yunayted” rahbariyati Antonio Konte bilan hali muzokara o‘tkazmagan. Bundan avval Sulsher qoniqarsiz natijalar tufayli tez orada isteʼfoga chiqarilishi mumkinligi maʼlum bo‘lgandi.
Angliya premyer-ligasi 9-turidan so‘ng “qizil iblislar” 14 ochko bilan turnir jadvalida 7-o‘rinda bormoqda.
Avvalroq “Nyukasl” bosh murabbiyi Stiv Bryus istefoga chiqqani va Sulsher "MYU"dan ketmasligi haqida xabar berilgandi.
Jamshidbek Amirov
