0
Toshkent davlat texnika universiteti oshxonasi yonib ketdi
Voqea joyiga 4 ta yong‘in-qutqaruv ekipaji yetib kelgan.
Joriy yilning 28-oktabr kuni soat 13:44 da Toshkent shahar Olmazor tumani Universitet ko‘chasida joylashgan oshxonada yong‘in sodir bo‘layotganligi haqida Toshkent shahar Favqulodda vaziyatlar boshqarmasiga xabar kelib tushgan.
Mazkur holat yuzasidan 4 ta yong‘in-qutqaruv ekipaji soat 13:50 da voqea joyiga yetib borib, yong‘in soat 14:03 da qurshab olindi va soat 14:09 da batamom o‘chirildi.
Yong‘in oqibatida oshxona binosining 120 M.kv maydoni yonib zararlangan.
Hodisada jabrlangan va halok bo‘lganlar yo‘q.
Hozirda yong‘inning kelib chiqish sababi va moddiy zarar miqdori aniqlanmoqda.
Avvalroq NamDUga tegishli talabalar yotoqxonasida yong‘in kelib chiqqandi.
