НамДУга қарашли талабалар ётоқхонасида ёнғин чиқди
Наманган шаҳар фавқулодда вазиятлар бўлими. Бу ташкилотнинг диспетчерлик хизматига аҳоли кутилмаганда юз берган турли талофотлар содир этилганда ёрдам сўраб, қўнғироқ қилади.
Бугун, 9 сентябрь куни соат 08:48 ларда Наманган шаҳар “Бобуршоҳ” МФЙ, “Бобуршоҳ” кўчаси, 1-уйда жойлашган Наманган давлат университетига қарашли 2-талабалар турар жойи биносида ёнғин содир бўлаётгани тўғрисида хабар келиб тушади.
Зудлик билан воқеа жойига Наманган шаҳар фавқулодда вазиятлар бўлими навбатчилик қисми ходимлари етиб борган. Ёнғин оқибатида талабалар турар жойи 2-қаватидаги ошхонаси ичидаги бир дона музлатгич ёниб, зарарланган. Тезкор ҳаракат натижасида ёнғин зудлик билан бартараф этилди.
Ёнғин оқибатида ҳеч кимга тан жароҳати етмаган.
Ҳозирда мазкур воқеа юзасидан терговга қадар суриштирув ишлари олиб борилмоқда.
Эслатиб ўтамиз, аввалроқ Юнусободдаги кафеларнинг бирида ёнғин чиққанди. Шунингдек, Ангренда кўп қаватли уйда ёнғин чиққани ҳақида хабар берилганди.
Баҳринисо Мадумарова
