Ochlik eʼlon qilgan Saakashvili vrachlarni qabul qilishdan bosh tortdi

Gruziya sobiq prezidenti Saakashvili  vrachlar konsiliumi bilan hamkorlik qilish va tahlillar topshirishdan bosh tortdi. Bu haqda “RIA Novosti” xabar berdi.

 

Sobiq prezident bir necha kundan buyon muolaja olish yoki olmaslik yuzasidan aniq fikrga kelolmayotgan edi. U ochlik eʼlon qilgan va  29 kundan buyon ovqatlanmayapti. Shu kunlarda esa turma maʼmuriyati uning advokatlari kirishi tartibini kuchaytirganiga norozilik tarzida vrachlarni qabul qilishdan bosh tortdi.

 

“O‘zingizga maʼlum saylov kuniga qadar minimal jismoniy faollikni va fikrlash qobiliyatimni saqlab turish maqsadida hukumat tomonidan tayinlangan vrachlar konsiliumi bilan hamkorlik qilayotgandim. Ammo bugundan bu jarayon tugaganini maʼlum qilaman va vrachlarga minnatdorchilik bildiraman. Hukumat ularning asosiy takliflariga quloq solmaganidan afsusdaman. Shu kundan boshlab ochlikka qarshi tabletkalarni qabul qilmayman va qon topshirmayman”, – deyiladi siyosatchining Facebook‘dagi sahifasida eʼlon qilingan xabarda.

 

Maʼlumot o‘rnida: Saakashvili 1 oktyabr kuni qamoqqa olingan. U Gruziyaga 8 yillik tanaffusdan so‘ng qaytib keldi. Saakashvili 2004-2013 yillarda mamlakatni boshqargan. Shundan keyin keyin u Ukraina fuqaroligini qabul qilgan va bir qancha lavozimlarda ishlagan.

 

Bundan avval Irakliy Kobaxidze Saakashvili mavzusi 30 oktyabrdan keyin ko‘pchilikning esidan chiqib ketishini aytgandi. Shuningdek, sobiq prezident nima uchun Gruziyaga qaytgani xabar qilingandi.

 

Jahongir Qo'ziyev