O‘zbekistonning havosi eng iflos hududlari eʼlon qilindi
Qaysi viloyatda zararli moddalar atmosferaga eng ko‘p chiqarilayotgani haqida statistik maʼlumotlar eʼlon qilindi.
Ekologlarning xulosasiga ko‘ra, 2020 yilda O‘zbekistonda atmosferaga jami 924 ming tonna miqdorida zararli moddalar chiqarilgan.
Ekologik jihatdan eng ko‘p zarar ko‘rgan viloyatlar ro‘yxatida dastlabki o‘rinlarni Toshkent va Qashqadaryo egalladi.
Ushbu hududlarda havoni ifloslantiruvchi moddalarning 60 foizi atmosferaga chiqarilgan. Ekologik jihatdan eng toza viloyatlar esa – Xorazm, Surxandaryo va Jizzax hisoblanadi.
Maʼlumot uchun: transport vazirligi vakili Sherbek Erbekov 2030 yilgacha atrof-muhitni muhofaza qilish konsepsiyasiga atmosferani ifloslantiruvchi moddalarni 10 foizga kamaytirish, jamoat transportining 80 foizini gaz bilan to‘ldirilgan yoqilg‘i va elektromobillarga o‘tkazish tizimi kiritilganini aytib o‘tgandi.
Eslatib o‘tamiz, bundan avval so‘nggi 4 yilda shaharlarda chang-gaz miqdori meʼyordan 4 baravar oshgani haqida xabar berilgandi.
Cho‘lponoy Ahmedova
