Aholi ish va elektr energiyasi bilan ta’minlanadi

 

Unda qayta tiklanuvchi energiya manbalarini ko‘paytirish va sohani rivojlantirish masalalari muhokama etildi. Shuningdek, sohada kelgusida amalga oshiriladigan ishlar ko‘rib chiqildi.

 

"Glazgoda o‘tkazilgan Iqlim bo‘yicha xalqaro sammitda O‘zbekiston 2030 yilgacha yalpi ichki mahsulotga nisbatan issiqxona gazlari ulushini 35 foizga kamaytirishni tashabbus qildi. 

O‘tgan uch yilda qayta tiklanuvchi energiya uchun huquqiy baza shakllantirilib, qulay shart-sharoitlar yaratildi. 

Natijada,  3 milliard dollar miqdorida xorijiy investisiyalar hisobiga 2,9 ming megavattli 10 ta quyosh va shamol elektr stansiyalarini barpo etish ishlari boshlandi" - dedi davlatimiz rahbari.

 

Shuningdek, Prezident tadbir davomida muqobil energetikani rivojlantirishdagi vazifalarni aniq belgilab berdi.

 

Unga ko‘ra: 

 

- shamol va  quyosh elektr stansiyalari quvvatini 2026 yilga qadar 8 ming megavattga yetkazish;

 

- yirik sanoat korxonalarida qayta tiklanuvchi o‘z energiya manbalarini tashkil etishiga sharoit yaratish, aholi va tadbirkorlarni qayta tiklanuvchi energiya manbalaridan foydalanishini qo‘llab quvvatlash;

 

- 8 ming megavattli elektr stansiyalarini qurishda ishlatiladigan 6 milliardlik xom-ashyo materiallarini mahalliylashtirish choralarini ko‘rish;

 

- qurilishlar natijasida 1 ming nafar muhandis, qariyb 3 ming nafar o‘rta bo‘g‘in mutaxassislariga yaratiladigan ish o‘rinlari uchun munosib nomzodlarni yetkazib berish maqsadida  yil yakuniga qadar Navoiyda qayta tiklanuvchi energiya sohasida kadrlar tayyorlash markazini ishga tushirish, Navoiy va Sirdaryodagi o‘quv markazlarida xalqaro standartlar asosida yiliga 200 nafar malakali mutaxassis tayyorlash yo‘lga qo‘yish kabi muhim masalalar muhokama markazida bo‘ldi.