“Borussiya” Holandning maoshini oshirmoqchi
Dortmundning “Borussiya” klubi Erling Holandni jamoada olib qolish uchun jiddiy mablag‘ sarflashga tayyor.
“Sky Sport Germany” xabariga ko‘ra, klub rahbariyati norvegiyalik futbolchi shartnomani uzaytirishga rozi bo‘lsa, uning maoshini 8-9 million yevrodan 16-18 million yevroga oshirishga rozi. Shuningdek, “Borussiya” tovon pulini 2022-yilda emas, yangi kelishuvga ko‘ra 2023-yilda kuchga kirishini istamoqda.
Eslatib o‘tamiz, Holandga Yevropaning bir qator klublari, jumladan, “Real” va “PSJ” jamoalari qiziqish bildirmoqda.
Hozirda hujumchi jarohatidan forig‘ bo‘lmoqda. U 2021-yil oxirigacha maydonga tusha olmaydi.
Holand “Borussiya” tarkibida o‘tgan mavsum 49 ta o‘yin o‘tkazib, 49 ta gol urishga erishdi. Joriy mavsumda esa futbolchi barcha turnirlarda 10 ta uchrashuvda 13 ta gol urdi.
Avvalroq “Bavariya” Levandovski o‘rniga Holandni sotib olmoqchiligi va “PSJ” futbolchiga yiliga 40 million yevro maosh taklif qilgani haqida xabar berilgandi.
Jamshidbek Amirov
