Endi muzeylar daromad keltiradigan faoliyat bilan shug‘ullanadi
Talab qilinadigan narsa shuki, muzey ashyolari va kolleksiyalari but saqlanishi kerak.
“Muzeylar to‘g‘risida”gi O‘zbekiston Respublikasi Qonuniga qo‘shimchalar kiritish haqida”gi Qonun Prezident tomonidan imzolandi.
Kiritilgan qo‘shimchaga ko‘ra, bundan buyon muzeylar taʼsis hujjatlariga muvofiq daromad keltiradigan faoliyat bilan shug‘ullanishi mumkin. Shuningdek, davlat muzeylariga pulli xizmatlardan, xayriyalardan tushadigan mablag‘lar kelgusi yil uchun byudjetdan muassasaga ajratiladigan moliyalashtirish summasini kamaytirishga asos bo‘lmaydi.
Bunday tushumlardan davlat muzeylarining moddiy-texnika bazasini rivojlantirish va qonunchilikda taqiqlanmagan boshqa maqsadlar uchun foydalaniladi.
Eslatma. Qonun rasmiy eʼlon qilingan kundan eʼtiboran kuchga kiradi.
Avvalroq Madaniy meros agentligining vazifalari belgilangani haqida xabar berilgandi.
Olamgir Abdiyev
