O‘zbekiston mobil telefonlarni eng ko‘p import qilgan davlatlar maʼlum bo‘ldi
Statistika joriy yil yanvardan qancha aholi internet tarmog‘iga ulanganini ham ochiqladi.
Qayd etilishicha, 2021- yilning oktabr oyida O‘zbekiston xorijdan qiymati 20,9 mln AQSH dollariga teng bo‘lgan 303 303 dona mobil telefon import qilgan.
Raqamlar taqqoslanganda oktyabr oyida import qilingan mobil telefonlar soni sentabr oyiga nisbatan 5 460 taga ortgan. Shuningdek, 2020-yilda 345 431 dona uyali va boshqa simsiz aloqa tarmog‘i uchun telefonlar ishlab chiqarilgan.
Bundan tashqari, O‘zbekistonda 2021-yilning 1-yanvar holatiga ko‘ra, internet tarmog‘iga ulangan abonentlar soni qariyb 20 mlnni tashkil qilgan.
Shuningdek, O‘zbekiston 14 ta davlatdan mobil telefonlar import qilgan.
O‘zbekiston mobil telefonlarni eng ko‘p import qilgan davlatlar:
🔹Xitoy – 79,5 mln
🔹Vyetnam – 60 mln
🔹Hindiston – 7,2 mln
🔹Qozog‘iston – 5,3 mln
🔹BAA – 1,4 mln
🔹Germaniya – 647 ming
🔹Rossiya – 175,8 ming AQSH dollari
Eslatib o‘tamiz, avvalroq O‘zbekiston Italiyadan qahva importi hajmini oshirgani hamda 2021 yilning yanvar-iyul oylarida xorijdan O‘zbekistonga qiymati 85 mln AQSH dollariga teng bo‘lgan 1,7 mln tonna sement import qilingani to‘g‘risida xabar berilgandi.
Cho‘lponoy Ahmedova
