Tuxel “Barsa”ning takliflariga qarshi
“Barselona” o‘z tarkibini “Chelsi” futbolchilari Hakim Ziyesh va Timo Verner bilan kuchaytirishni o‘ylamoqda.
Kataloniya klubi qishki transferlar vaqtida ushbu futbolchilarni ijaraga olish imkoniyatlarini o‘rganmoqda. “Barsa” “Chelsi” direktori Marina Granovskaya bilan aloqaga chiqdi. Unda maʼlum bo‘lishicha londonliklar zahiradagi o‘yinchilarning jamoada qolishiga hech qanday to‘sqinlik qilmaydi. Biroq, tomonlar hali to‘liq kelishuvga erishmagan. Jamoa bosh murabbiy Tomas Tuxel esa yanvar oyida jamoani zaiflashtirmoqchi emas va bu kabi transferlarga qarshi.
Eslatib o‘tamiz, ayni vaqtda “Chelsi” klubi Angliya premyer-ligasida 33 ochko bilan turnir jadvalida uchinchi o‘rinni egallab turibdi.
Avvalroq Kristenson Londonda qolmoqchiligi va “Bavariya” Vernerni vataniga qaytarmoqchiligi haqida xabar berilgandi.
Jamshidbek Amirov
