"TikTok” platformasiga o‘zbek tili qo‘shilishi mumkin
O‘zaro hamkorlik masalalari onlayn muloqotda muhokama qilindi.
Mass-media fondi Vasiylik kengashi raisi Komil Allamjonov bugun “Tik-Tok” kompaniyasining vitse-prezidenti doktor Teo Bertram va kompaniyaning masʼul xodimlari bilan onlayn uchrashuv bo‘lib o‘tdi.
“TikTok” vakillari kelgusida o‘zbek tilini ham kiritishga tayyor ekanligini maʼlum qilgan.
Komil Allamjonov mazkur taklifga quyidagicha munosabat bildirdi:
“TikTok” — zararli bo‘lsa, uni foydali resursga aylantirish lozim. Shu va bunga o‘xshash kompaniyalar faoliyatini cheklash emas, balki ular bilan yaqindan muloqot, hamkorlik o‘rnatgan holda ishlash hamma uchun ko‘proq manfaatli va to‘g‘riroq bo‘ladi o‘ylayman”.
Maʼlumot uchun: O‘zbekistonda 2021-yil iyun oyida “TikTok” bloklangan.
Eslatib o‘tamiz, avvalroq “Tik-Tok”chilar jarimaga tortilgani hamda “Tik-Tok” sabab aqshda maktab o‘quvchisi halok bo‘lgani haqida xabar berilgandi.
Cho‘lponoy Ahmedova
