Vertolyot shossega qulab tushdi
Voqea oqibatida uchuvchi halok bo‘ldi.
AQSHning Luiziana shtatida vertolyot gavjum shossega qulab tushdi. Hodisa oqibatida uchuvchi halok bo‘ldi, deb xabar beradi mahalliy Wlox portali.
Baxtli tasodif tufayligina harakatlanib ketayotgan boshqa avtomobillarga zarar yetmagan. Politsiya maʼlumotlariga ko‘ra, vertolyot Bonnet-Karre-Spilway ko‘prigida qulagan.
Taxminlarga ko‘ra, gap bortida faqat uchuvchi bo‘lgan Bell 407 vertolyoti haqida ketmoqda.
Voqea AQSH Federal Aviatsiya boshqarmasi va Milliy Transport xavfsizligi kengashi tomonidan tekshirilmoqda.
Magistral yo‘lda harakat qisman to‘sib qo‘yilgan. Shuningdek, qayd etilishicha, avariyada elektr liniyalariga shikast yetgan, bu esa yaqin atrofdagi aholi punktlaridagi 20 mingga yaqin odamni elektr energiyasidan mahrum qilgan.
Eslatib o‘tamiz, Kamchatkada vertolyotning qulashi oqibatida 16 kishi hayotdan ko‘z yumgan edi. Shuningdek, Xabarovsk o‘lkasida ham samolyotning halokatga uchrashi natijasida barcha ekipaj aʼzolari vafot etgan edi.
