Tadbirkorlikni ro‘yxatdan o‘tkazish yengillashadi
Ushbu xizmat uchun BHMning beshdan bir qismi, to‘lanadi.
Vazirlar Mahkamasi qarori bilan hukumatning ayrim qarorlariga o‘zgartirish va qo‘shimchalar kiritildi.
Unga ko‘ra, advokatlik litsenziyasini olishga oid arizalar adliya organlari tomonidan 10 ish kunida ko‘rib chiqiladi (ilgari 20 ish kuni edi).
Bundan tashqari, vasiylik va homiylik qilishga to‘sqinlik qiluvchi jinoyatlarning aniq ro‘yxati belgilandi (ilgari qasddan sodir etgan jinoyati uchun hukm qilinganlarning barchasiga cheklov mavjud edi).
Endilikda tadbirkorlikni qayta ro‘yxatdan o‘tkazish rad etilganidan 5 ish kunida qayta ro‘yxatdan o‘tkazish uchun murojaat qilinsa davlat boji to‘lanmaydi.
Tadbirkorlikni ro‘yxatdan o‘tkazish uchun BHMning (1 BHM — 275 ming so‘m) 20 foizi miqdorida yig‘im undiriladi (ilgari BHMning 1 baravari miqdorida undirilgan).
Maʼlumot uchun: mazkur ro‘yxat uchun yig‘im 80 foizga kamaytirilish mumkin.
Eslatib o‘tamiz, avvalroq Shavkat Mirziyoyev tadbirkorlar bilan ochiq muloqot o‘tkazgani hamda yosh tadbirkorlarga 540 million so‘mgacha kredit berilishi haqida xabar berilgandi.
Cho‘lponoy Ahmedova
