Eron uchirgan 3 ta raketaning parvozi “o‘xshamadi”
Muvaffaqiyatsizlikka tezlik sabab bo‘ldi.
Eron mudofaa vazirligi vakilining xabar berishicha, 2021-yilning 30-dekabr kuni kosmosga uchirilishi kerak bo‘lgan 3 ta raketalar yetarli tezlikka erisha olmagani sababli orbitaga chiqa olmadi.
Bu AQSH, Germaniya va Fransiyaning tanqidiga sabab bo‘ldi.
Ma’lumotlarga ko‘ra, raketa orbitaga chiqishi uchun u 7600 m/s dan yuqori tezlikka erishishi kerakligi qayd etilgan. Lekin raketalar 7350 m/s ga yeta olgan, xolos.
Mas’ullar avval bu urinish muvaffaqiyatsizlikka uchragani haqida aniq ma’lumot berishmadi. Keyinchalik ular bu urinishlar sinov tariqasida ekanligini aytishdi.
Avvalroq Shimoliy Koreya yangi qanotli raketalarni sinovdan o‘tkazgani haqida xabar berilgandi.
