Toshkentda qo‘lbola o‘t o'chirish moslamasini portlatganlarga jinoyat ishi qo‘zg‘atildi
Avvalroq hodisa oqibatida 3 kishi jarohatlangani xabar qilingandi.
Bugun, 1-yanvar kuni Toshkent shahridagi "Samarqand darvoza" savdo majmuasi oldida aholi yig‘ilib, qo‘lbola o‘t o‘chirish moslamasini portlatishgani va oqibatda 3 kishi yaralangani haqida xabar berilgandi. Holat yuzasidan Shahar ichki ishlar Bosh boshqarmasi ko‘shimcha ma’lumot berdi.
Ma’lum qilinishicha, Shayxontohur tumani IIO FMB Tergov bo‘limi tomonidan 4 nafar fuqaroga O‘zbekiston Respublikasi Jinoyat kodeksining 250-moddasi (“Portlash xavfi bo‘lgan moddalar yoki pirotexnika buyumlaridan foydalanish qoidalarini buzish”) alomatlari bilan jinoyat ishi qo‘zg‘atilgan.
Hozirda tergov harakatlari davom etmoqda.
Eslatib o'tamiz, avvalroq Samarqand viloyatining Oqdaryo tumanidagi tamaddixonalardan birida kuchli portlash sodir bo'lgandi.
