Оқдарё туманида жойлашган тамаддихоналардан бирида кучли портлаш содир бўлди
Портлаш бугун, 19 декабрь куни соат 14:20 лар атрофида бўлган.
Фавқулодда вазиятлар вазирлигининг хабар беришича, ҳодиса оқибатида 10 киши жароҳат олган ва касалхонага олиб кетилган.
Тўлиқ маълумотларга кўра, бахтсиз ҳодиса Самарқанд вилояти Оқдарё тумани “Наврўз” МФЙ А.Темур кўчасида жойлашган "Лаззат" ошхонасида содир бўлган. Портлашга 2 та пропан газ баллони сабаб бўлган.
“Чақнаш натижасида ошхонанинг тахминан 40 кв.м. майдонида шифт қисми ва жиҳозлар ёнган”, - деб ёзилади ФВВ хабарида.
Аввалроқ Деновда содир бўлган ёнғинда вайроналар остидан бир нафар фуқаронинг жасади топилгани ҳамда Навоийда газ қуйиш шахобчаси портлагани ҳақида хабар берилганди.
Оламгир Абдиев
