Murodjon Ahmadaliyev yana himoya jangini o‘tkazadi
Uning raqibi filippinlik Marlon Tarales bo‘lishi mumkin.
Professional boksning birinchi yarim yengil vazn toifasida (55,3 kg) WBA va IFB kamarlari egasi Murodjon Ahmadaliyev yana himoya jangini o‘tkazadi. Aniqrog‘i, IBF tashkiloti majburiy da’vogar filippinlik Marlon Taralesga qarshi jangga buyruq berib, muzokaralar olib borish uchun 2 fevralga qadar muddat belgiladi.
Muzokaralar allaqachon boshlab yuborilgan va bir necha haftada yakunlanishi kutilmoqda. Tomonlar o‘zaro kelishuvga erishmagan taqdirda, jangni tashkil qilish uchun ochiq promouterlik savdosi o‘tkaziladi.
Sobiq WBO chempioni hisoblangan Tapales 2021 yil 11 dekabr kuni eliminator jangida yaponiyalik Hiroaki Teshigavani 7-raundda nokautga uchratgan holda g‘alaba qozonib, majburiy da’vogarlik maqomini qo‘lga kiritgan. Shuningdek, u oldinroq Murodjon Ahmadaliyevning sobiq raqibi Ryosuke Ivasadan muddatidan oldin mag‘lub bo‘lgan.
Eslatib o‘tamiz, Murodjon Ahmadaliyev o‘zining oxirgi bahsida chililik Hose Velaskesdan ochkolar hisobida ustun kelgan edi.
Avvalroq Murodjon Ahmadaliyev Ronni Rios jangi qachon o‘tkazilishi haqida xabar berilgandi.
Jamshidbek Amirov
