"Biz to‘g‘ri yo‘ldamiz" – Xavi
“Barselona” bosh murabbiyi Xavi jamoasining Ispaniya Superkubogi yarim finalida “Real”ga qarshi o‘yindagi mag‘lubiyati haqida fikr bildirdi.
Birinchi 20 daqiqada biz yomon o‘yin ko‘rsatdik. Jamoamizning oxirgi natijalari kechagi bahsda o‘zining taʼsirini o‘tkazdi. Bundan xalos bo‘lgach o‘yinimiz ochildi. O‘ylaymanki, biz to‘g‘ri yo‘ldamiz. Yanada oldinga intilamiz va yaxshi natijalar sari olg‘a boramiz, — deya “Marca” nashri Xavining gaplaridan iqtibos keltirdi.
Eslatib o‘tamiz, Saudiya Arabistonining Ar-Riyod shahridagi “Qirol Fahd” stadionida bo‘lib o‘tgan uchrashuv 3:2 hisobida “qaymoqranglilar” foydasiga hal bo‘ldi.
Maʼlumot o‘rnida: turnir finalida Madridning “Real” klubi “Atletiko Madrid” hamda “Atletik” klubi o‘rtasidagi g‘olib bilan to‘qnash keladi. Uchrashuv 13 yanvar kuni o‘tkaziladi. Super Kubogning amaldagi g‘olibi “Atletik” klubi hisoblanadi.
Avvalroq, “Real Madrid” “Santiaga Bernabeu”ga qaytishini beshta gol bilan nishonlagani haqida xabar berilgandi.
Jamshidbek Amirov
