Argentinalik jurnalist jonli efirda issiq havo sabab hushidan ketib yiqildi
Ayni kunlarda mamlakatda rekord darajadagi yuqori ob-havo kuzatilmoqda.
Argentinaning Buenos-Ayres shahrida mahalliy telekanal muxbiri Karlos Ferrera jonli efir vaqtida issiqdan hushidan ketdi. Bu haqda TN Todo Noticias telekanali xabar bermoqda.
Ma'lumotlarga ko‘ra, jurnalist jonli efirda opera teatridan xabar berayotgan edi. U tomoshabinlarga yangi PZR test punkti haqida gapirib berdi. Translyatsiya tugash arafasida Ferrera to'satdan asfaltga yiqilgan.
Studiyadagi yangiliklar boshlovchisi ularning jurnalisti haddan tashqari issiqda ishlashiga to'g'ri kelganini aytdi. Keyinchalik uning qo'shimcha qilishicha, Ferreraga yordam ko'rsatilgan, uning sog'lig'i hozirda barqaror.
Ma'lumot uchun: Argentinada 12-yanvar kuni termometrlar + 45 ° ga ko'tarilgan, bu mamlakatda rekord darajadi yuqori harorat sifatida qayd etildi.
Eslatib o'tamiz, Gretsiyaning Attika hududidan jonli efirda o‘rmon yong‘inlari haqida xabar uzatayotgan muxbir talonchilarga duch kelgan edi.
