Karantin qoidalarini buzgan chexiyalik fuqaroga 3 yillik qamoq jazosi xavf solmoqda
U kasallikni ataylab tarqatishda ayblanmoqda.
Chexiyaning Vlashim shahrida yashovchi shaxs koronavirusni qasddan tarqatishda ayblanmoqda, buning uchun u uch yillik qamoq jazosiga hukm qilinishi mumkin.
Bu haqda huquq-tartibot idoralari xodimlariga tayanib, Vlesk gazetasi xabar berdi.
Qayd etilishicha, o‘tgan yilning noyabr oyida 43 yoshli erkakka koronavirus uchun ijobiy test topshirganidan keyin o‘zini izolyatsiya qilish buyurilgan. Shunga qaramay, kasallangan kishi jamoat joylariga niqob va respiratorsiz borgan.
Xususan, u yong‘in sodir bo‘lgan paytda o‘z qarindoshlarining uyida himoya vositalarisiz bo‘lgan, natijada voqea joyida ishlagan 80 ga yaqin o‘t o‘chiruvchilar, politsiyachilar va tibbiyot xodimlariga yuqtirish xavfi tug‘ilgan.
Umuman olganda, politsiya aniqlaganidek, erkak 100 ga yaqin odam bilan aloqada bo‘lgan. Ulardan qanchasi COVID bilan kasallangani aniqlanmadi.
Qoidabuzarga nisbatan jinoiy ish ochilgan.
Eslatib o‘tamiz, Buyuk Britaniya bosh vaziri Boris Jonson karantin qoidalarini buzganlikda ayblanmoqda - birinchi karantin paytida u 100 kishi ishtirokida ziyofat uyushtirgan.
Avvalroq JSST homilador ayollar ham koronavirusga qarshi emlanishi kerakligini maʼlum qilgandi.
