Bayden Yevropaga qo‘shimcha kuchlar jo‘natadi
Bunga Rossiya-Ukraina chegarasidagi vaziyat sabab qilib ko‘rsatilgan.
Yaqin kelajakda AQSH harbiylari Sharqiy Yevropa va NATO mamlakatlariga jo'natiladi. Bu haqda AQSH prezidenti Jo Bayden maʼlum qildi, deb yozadi Reuters.
“Bayden yaqin orada AQSH qo‘shinlarini Sharqiy Yevropa va NATO mamlakatlariga joylashtirishini aytdi”, — deyiladi bayonotda.
Aniq sanalar hali eʼlon qilinmagan.
Eslatib o‘tamiz, Rossiyaning Ukrainaga keng ko‘lamli bostirib kirishi tahdidi fonida Vashington Yevropaga 8,5 mingga yaqin askar jo‘natishni rejalashtirmoqda. Pentagon, shuningdek, AQSH qo‘shinlarining ichki va xorijdagi jangovar tayyorgarligini oshirmoqda.
