Anomal issiq havo dam olish kunlari anomal sovuq bilan o‘rin almashadi
Ertaga respublikaning janub viloyatlarida havo harorati maksimum +22 darajaga ko‘tariladi.
O‘zgidromet xabariga ko‘ra, bugun va ertaga kuzatiladigan anomal issiq havo to‘lqini yakshanba va dushunba kunlari anomal sovuq bilan o‘rin almashadi.
4-5 fevral kunlarining respublikaning shimol hududlaridan tashqari da go‘yoki yog‘insiz iliq bahor havosi kuzatiladi. janub viloyatlarda havo harorati maksimumlari +20 +22 daraja issiq bo‘ladi.
Yakshanba kunidan respublika hududlariga sovuq va nam havo masalalari kirib, respublikaning deyarli barcha hududlarida ob-havoda keskin o‘zgarishlar kuzatilishiga olib keladi.
Dushanba kuni esa respublikaning ko‘plab hududlarida yog‘ayotgan yomg‘ir qorga aylanadi. Shunday, ikki kun ichida O‘zbekiston aholisi ham issiq, ham sovuq qorli ob-havoga guvoh bo‘lishlari mumkin.
