0
Prezidentga ergashib: Turkiya mudofaa vazirida ham koronavirus aniqlandi
Xulusi Akar holati qoniqarli ekanini maʼlum qildi.
Rajab Toyyib Erdo‘g‘anga Ukrainada hamrohlik qilgan Turkiya mudofaa vaziri Xulusi Akar ham koronavirusga chalindi. Bu haqda mudofaa vazirligi xabar berdi.
“COVID-19‘ga topshirgan testim natijasi musbat chiqdi. Baxtimga o‘zimni yaxshi his qilyapman va biz barcha ehtiyot choralarga rioya qilgan holda ishimizni davom ettiramiz”, – deyiladi xabarda.
Maʼlumot o‘rnida: Turkiya prezidenti Ukrainaga tashrifidan keyin “omicron”ga chalinganini maʼlum qilgan. Shu bilan birga uning rafiqasida ham kasallik aniqlangan.
Avvalroq Shavkat Mirziyoyev turkiyalik hamkasbiga shifo tilab, maktub jo‘natgani to‘g‘risida xabar qilingandi.
