Шавкат Мирзиёев Туркия Президентига мактуб йўллади
Давлат раҳбари ўз хатида Эрдоған ва унинг рафиқасига соғлиқ тилаган.
Шавкат Мирзиёев Туркия Президенти Режеп Таййип Эрдоғанга мактуб йўллади.
"Сиз, қадрдон инимнинг ва рафиқангиз Эмине Хоним Олияларининг коронавирус касаллигига чалинганингиз тўғрисидаги хабарни чуқур безовталик ва катта хавотир билан қабул қилдим”, деб ёзилган Президент мактубида.
Шунингдек, давлат раҳбари Туркия Президенти ва унинг рафиқаси қисқа фурсатда вирусни муваффақиятли енгиб ўтишига ишонч билдириб, уларга мустаҳкам соғлик, куч-қувват ва янги зафарлар тилаган.
