Umra reyslari bir haftada 16 marta amalga oshiriladi
Bu haqda O‘zbekiston musulmonlari idorasi matbuot xizmati xabar qildi.
Xabaringiz bor, bir necha kundan beri "Umra – 2022" mavsumi doirasida o‘zbekistonlik yurtdoshlarimiz muborak amallarni bajarish uchun safar qilishmoqda.
O‘zbekiston musulmonlari idorasi matbuot xizmati xabariga ko‘ra, shu yilning 10 fevralidan boshlab, muborak zaminga Umra ibodati uchun reyslar joriy mavsumning avvalida belgilangan rejaga muvofiq, haftaning har seshanba va shanba kunlari 3 marta, qolgan 5 kunida 2 tadan reys yo‘lga qo‘yildi. Shunda bir hafta davomida jami 16 marta aviaparvoz amalga oshiriladi.
Eslatib o‘tamiz, avvalroq Saudiya Arabistonida Haj safari boshlangani va Umra ziyoratchilari uchun qulaylik yaratilgani haqida xabar berilgandi.
