Erdog‘on COVID-19 dan sog‘aydi
U yana o‘z vazifasini bajarishga kirishgan.
Turkiya prezidenti Rajab Toyyib Erdo‘g‘on koronavirusdan tuzalib ketdi. Bu safar topshirgan COVID-19 testining natijasi salbiy. Bu haqda davlat rahbari Twitterʼdagi sahifasida maʼlum qildi.
“Xudoga shukur, oxirgi ikki kun davomida o‘tkazgan sinovlarimiz salbiy chiqdi”, — deb yozdi u ijtimoiy tarmoqda.
Turkiya rahbari, shuningdek, shifo topishi uchun duo qilgan barchaga minnatdorchilik bildirdi. Prezidentni davolovchi shifokori Serkan Topalog‘lining so‘zlariga ko‘ra, Erdo‘g‘on yaqin kunlarda, ehtimol ertaga normal ishiga qaytishi mumkin. Topalo‘g‘lining qo‘shimcha qilishicha, birinchi xonim Emine Erdo‘g‘onda ham kasallik yengil alomatlar bilan o‘tgan va hozirda uning ahvoli yaxshi.
Maʼlumot uchun: Erdo‘g‘on 5 fevral kuni koronavirus bilan kasallanganini eʼlon qilgan edi. U va rafiqasi uchun COVID-19 ijobiy sinovdan o‘tgan.
Eslatib o‘tamiz, avvalroq 14-15 fevral kunlari Turkiya rahbarining BAAga tashrifi kutilayotgani haqida xabar berilgandi.
Nasiba To‘xtayeva
