1945-yildan beri eng katta urush boshlanishi mumkin – Boris Jonson
Bu ma’lumotlarni Amerika razvedkasi qo‘lga kiritgan, Jo Bayden esa hamkasblariga so‘zlab bergan.
Britaniya bosh vaziri Boris Jonson Ukraina atrofidagi vaziyat 1945-yildan beri eng katta urushga aylanishi mumkinligini aytdi.
"Biz ko‘rayotgan reja qamrovi bo‘yicha Yevropada 1945-yildan beri eng katta urushga aylanishini ko‘rsatmoqda", - degan bosh vazir BBC telekanaliga bergan intervyusida.
Uning fikricha, Rossiyaning Ukrainaga bostirib kirishidan qochib bo‘lmaydi. U "Moskva Kiyevni o‘rab olish uchun harbiylariri nafaqat Donbass, balki Belarus orqali ham" yuborishini aytdi.
Jonson bunday ma’lumotlarni Amerika razvedkasi qo‘lga kiritgani va AQSH prezident Jo Bayden bu haqda g‘arb yetakchilariga so‘zlab berganini aytdi.
Eslatib o‘tamiz, avvalroq Ukraina prezidenti Vladimir Zelenskiy Rossiya yetakchisi Vladimir Putinni "gaplashib olishga" chaqirdi.
