Yaponiya yana to‘rtta Rossiya bankining aktivlarini muzlatib qo‘yadi
Kanada esa Rossiyaga qarshi yangi sanksiyalar kiritdi.
Yaponiya hukumati Ukrainadagi vaziyat tufayli Rossiyaning yana to‘rtta moliyaviy institutining aktivlarini muzlatish to‘g‘risidagi qarorini eʼlon qildi. Bu haqda Moliya vaziri Shunʼichi Suzuki maʼlum qildi, deb yozadi “Interfaks-Ukraina”.
U cheklovlarga duchor bo‘lgan banklarni nomladi: VTB Bank, Otkritiye Bank, Sovcombank va Novikombank. Sanksiyalar aprel oyi boshida kuchga kiradi.
Bungacha Tokio Rossiyaning uchta banki — Rossiya, Promsvyazbank va VEB.RF aktivlarini muzlatib qo‘ygandi. Yevropa Ittifoqi Rossiyaning yetti bankini SWIFT tizimidan ajratgani xabar qilingan edi. Shuningdek, Kanada hukumati “Rosneft” va “Gazprom”ning yuqori mansabdor shaxslariga nisbatan shaxsiy sanksiyalar kiritadi. Bu haqda Kanada tashqi ishlar vaziri Melani Joli maʼlum qildi, deb yozdi DW Kanada tashqi ishlar vazirligiga tayanib. Qayd etilishicha, Rossiya energetika sohasidagi ikki muhim kompaniya — “Rosneft” va “Gazprom”ning 10 ta asosiy shaxsiga nisbatan yangi cheklov choralari joriy etilmoqda.
