Bizga qarshi gibrid urush uzoq davom etadi — Lukashenko
Belarus rahbari Ukraina nizosi tez orada tugashini taxmin qilgan.
Belarus prezidenti Aleksandr Lukashenko 4 mart kuni Putin bilan ikki soat telefonda muloqot qilganini aytdi. Bu haqda “TASS” xabar berdi.
Lukashenko bu haqda respublikada o‘tkazilgan referendum yakunlari bo‘yicha marosimda maʼlum qilgan.
"Ukrainada nizo qanday og‘ir bo‘lmasin, bugun boshlandi, ertaga tugaydi. Ammo Belarusga qarshi boshlangan gibrid urush, ayniqsa, iqtisodiyot va moliyadagi sanksiyalar uzoq davom etadi. Ular bizga qattiq yopishib oldi. Men bu haqda bugun Putin bilan ikki soat mobaynida gaplashdim", – degan u.
Maʼlumot o‘rnida: 24-fevralda Rossiya Ukraniada maxsus harbiy amaliyot boshlagach, Garb Moskva bilan birga, Belvrusga qarshi cheklovlar joriy etdi. Bir qancha davlatlar Minskni Rossiya bosqiniga yordam berishda ayblamoqda.
Eslatib o‘tamiz, avvalroq Belarus Ukrainaga qo‘shin kiritishi mumkinligi aytilgandi.
