Qonunni buzgan bir nafar sudya vazifasidan ozod etildi
Yana 4 nafar mas’uliyatsiz sudyaga intizomiy jazo qo‘llangan.
Sudyalar oliy kengashi matbuot xizmati ma’lum qilishicha, Sudyalar oliy kengashi qarori bilan odil sudlovni amalga oshirishda qonuniylikni buzganligi uchun Navoiy viloyati fuqarolik ishlari bo‘yicha Karmana tumanlararo sudining sudyasi Baxtiyor Qutliyev lavozimidan ozod etilib, vakolatlari muddatidan ilgari tugatilgan.
Mas’uliyatsizligi va faoliyatida yo‘l qo‘ygan kamchiliklari uchun:
– Xorazm viloyati sudining fuqarolik ishlari bo‘yicha sudyalari Gʻaybulla Mirzayev va Xushnud Boltayev;
– Xorazm viloyati jinoyat ishlari bo‘yicha Yangiariq tumani sudining raisi Jamolbek Jumaniyozov;
– Namangan viloyati fuqarolik ishlari bo‘yicha Namangan tumanlararo sudining sudyasi Ulug‘bek Hamdamov;
– Andijon viloyati jinoyat ishlari bo‘yicha Qo‘rg‘ontepa sudining sudyasi Ozodbek Ne’matullayev intizomiy jazoga tortilgan.
Avvalroq lavozimidan ozod etilgan sudyalar shaxsi haqida ma'lumot berilgandi.
