AQSH poytaxti yangi pandemiya o‘chog‘iga aylanishi mumkin
Vashington kalamushlarning ulkan uyasiga aylangan.
Amerikalik biologlar AQSH poytaxtida tadqiqot o‘tkazib, Vashington kalamushlarning ulkan uyiga aylanib qolganini aniqladi. Bu zararkunandalar yerosti yo‘llarida xavfsiz yashab, tez ko‘paymoqda. Buning ustiga ular yemish qidirib, yer ostiga tez-tez chiqa boshlagan.
Ular odamlarni ko‘rqitish va shahar ko‘rkini buzishdan tashqari infeksion kasalliklar o‘chog‘i ham sanaladi. Shuning uchun olimlar yangi epidemiya xavfidan ogohlantirmoqda. AQSH kasalliklar profilaktikasi va nazorati markazi Kolumbiya okrugida odamning xantavirusga chalinishining ikki holati qayd etilganini eʼlon qildi.
Xantavirus kemiruvchilar orasida tarqaluvchi virus bo‘lib, odamga oziq-ovqat mahsulotlari va suv orqali yuqadi. Alohida holatlarda virus yuqishiga kalamush tishlashi ham sabab bo‘ladi.
Xantavirusdar inson organizmiga tushib yuqori harorat chaqirishi, buyrak, yurak va o‘pkalarni ishdan chiqarishi mumkin. Hozirgacha bu virusdan aniq davo chorasi yo‘q. Shifokorlar faqat bemorning zararlangan organlarini davolashi mumkin.
Eslatib o‘tamiz, avvalroq Pfizer kompaniyasi rasmiysi Mikayel Dolsten investorlarga taqdimotida, koronavirus pandemiyasi dunyoning baʼzi qismlarida hozirgi vaziyatda bo‘lgani kabi yana bir yoki ikki yil davom etishini kutishlarini, boshqa mamlakatlarda esa pandemiyaning “endemik” holatga o‘tishini taxmin qilinayotganini maʼlum qilgandi.
