Saudiya Arabistoni mudofaa sanoatini kuchaytirmoqchi
Mamlakatda dunyodagi eng yirik harbiy zavodlardan birini qurish rejalashtirilgan.
Saudiya Arabistoni uchuvchisiz qurilmalar ishlab chiqarishni yo‘lga qo‘ymoqchi. Bu haqda “TASS” xabar berdi.
Saudiya harbiy-sanoat kompaniyasi (SAMI) rahbari Valid Abu Xolidning maʼlum qilishicha, ushbu texnika 100 foiz Saudiya Arabistonida ishlab chiqariladi va qurolli kuchlarga yetkazib beriladi. "Biz dronlar bilan shug‘ullanadigan ko‘plab xorij kompaniyalari bilan hamkorlik qilyapmiz. Ular bizga shaxsiy qurilmalarni ishlab chiqishda yordam bermoqda. Shu bilan birga, hozirda dunyoda o‘q-dori ishlab chiqaruvchi eng yirik zavod qurish ustida ishlayapmiz", — degan u Ar-Riyоd xalqaro mudofaa sanoati mahsulotlari ko‘rgazmasida.
Abu Xolid 2030-yilga kelib qirollik 50 foiz harbiy xarajatlari mamlakat ichidagi kompaniya mahsulotlari uchun sarflanishini qo‘shimcha qilgan.
Eslatib o‘tamiz, avvalroq Eron Saudiya Arabistoni bilan munosabatlarni yaxshilashga tayyorligini maʼlum qilgandi.
