AQSH Moskvani eng yaqin hamkoridan judo qilmoqchi
Vashington Rossiyaning Xitoydan chiplar sotib olishini cheklamoqchi.
Vashington Xitoyni Rossiya masalasida qattiq ogohlantirdi. Bu haqda “TASS” xabar berdi.
Qo‘shma shtatlar savdo vaziri Jina Raymondoning so‘zlariga ko‘ra, Xitoy kompaniyalari Moskvaga qarshi sanksiyalarga amal qilmagan taqdirda texnologiya va dasturiy taʼminot import qila olmaydi.
“Rossiya cheklovlarni chetlab o‘tish uchun boshqa davlatlarni aylanib o‘tadi ammo Vashington Shanxaydagi SMIC kabi yarim o‘tkazgich ishlab chiqaradigan koоrporatsiyalarning Rossiya bilan savdo qilishini aniqlasa, texnologiya va dasturiy taʼminotdan mahrum qilib, shunchaki, uni yopib qo‘yadi. Bu Xitoyning chip ishlab chiqarish salohiyatiga o‘nglanmas zarba beradi”, – degan siyosatchi.
Maʼlumot o‘rnida: Rossiyaning Ukrainadagi maxsus operatsiyasi ortidan G‘arb yuqori texnologiyalar sanoatiga ham sanksiyalar joriy etdi. Unga ko‘ra, Moskva AQSH va uning ittifoqchilaridan yarim o‘tkazgichlar xarid qila olmaydi. Ekspertlar endilikda ushbu yo‘nalishda Xitoy RFning asosiy hamkori bo‘lishini taxmin qilayotgan edi.
Eslatib o‘tamiz, avvalroq Turkiya Rossiyaga qarshi sanksiya qo‘llay olmasligini maʼlum qilgandi.
