Ukrainadagi urush bo‘g‘doy narxi ko‘tarilishiga olib kelishi mumkin — Fransiya qishloq xo‘jaligi vaziri
Qator davlatlar Rossiya va Ukraina g‘allasiga qaram ekanligi maʼlum qilindi.
Ukrainadagi vaziyat shu yilning o‘zidayoq dunyo bozorida oziq-ovqat inqirozini keltirib chiqarishi mumkin. Bu haqda Fransiya qishloq xo‘jaligi va oziq-ovqat vaziri Julen Denormandi maʼlum qildi.
"O‘rtayer dengizi mintaqasida Rossiya va Ukrainadan g‘alla eksportiga bog‘lanib qolgan ko‘plab davlatlar bor", — degan u.
Vazirning so‘zlariga ko‘ra, keskinlashayotgani vaziyat narx ko‘tarilishiga olib keladi. U o‘z navbatida, chorva mollari ozuqasiga ham taʼsir o‘tkazadi. Maʼlumotlarga ko‘ra, Qatar, Ruanda, Qirg‘iziston va Misr Rossiya bug‘doyiga 80 foiz, Turkiya esa 70 % qaram.
Eslatib o‘tamiz, avvalroq dunyo bozorida xomashyo mahsulotlarinarxi keskin oshgani to‘g‘risida xabar berilgandi.
