Rossiya BMTdan Ukrainadagi AQSH laboratoriyalari bo‘yicha yig‘ilish o‘tkazishni talab qildi
Ukrainada xavfli infeksiya qo‘zg‘atuvchi 30 ta biologik laboratoriya mavjud, — Dmitriy Polyanskiy.
Rossiya Ukrainadagi Amerika biologik laboratoriyalari faoliyati munosabati bilan BMT Xavfsizlik Kengashi yig‘ilishini o‘tkazishni talab qildi. Bu haqda Rossiya Federatsiyasining BMTdagi doimiy vakili o‘rinbosari Dmitriy Polyanskiy.
Uning aniqlik kiritishicha, Rossiya Federatsiyasi 11 mart kuni “AQSHning Ukraina hududidagi harbiy biologik faoliyatini muhokama qilish” bo‘yicha yig‘ilish o‘tkazish tashabbusi bilan chiqqan.
Avvalroq Rossiya Mudofaa vazirligi Ukrainada Pentagon bilan qo‘shma dasturlar doirasida xavfli infeksiyalar qo‘zg‘atuvchilari bilan ishlaydigan 30 ta biologik laboratoriya mavjudligini maʼlum qilgandi.
Eslatib o‘tamiz, Prezident Vladimir Zelenskiy 10-mart kuni videomurojaatida Rossiya ukrainaliklarga qarshi biologik va kimyoviy qurol qo‘llashi mumkinligini aytdi.
Davlat rahbarining so‘zlariga ko‘ra, Moskva Kiyev bakteriologik qurol ishlab chiqarayotganini daʼvo qilmoqda.
"Rossiya tomonining ayblovlari har doim uning rejalari haqida gapiradi", deydi Zelenskiy.
