Xitoyga xakerlar hujumi keskin kuchaydi — Sinxua
Kiberhujumlar asosan qaysi davlatdan amalga oshirilgani ochiqlandi.
Xitoy xorijiy davlatlardan kiberhujumlar keskin ko‘payganini maʼulm qildi. Bu haqda Internet monitoringi bo‘yicha davlat favqulodda markaziga asoslanib “Sinxua” agentligi xabar berdi.
Unga ko‘ra, chet ellik, asosan AQSHda joylashgan xakerlar Xitoy kompyuterlarini buzib kirmoqda. Shundan keyin ular bu texnika orqali Rossiya, Belarus va Ukrainaga kiberhujum uyushtiryapti.
Hujumlar ayniqsa, fevral oxiridan kuchaygan. Ayniqsa, Amerikalik xakerlar faollashgani qayd etilgan. Xususan, birgina Nyu-York shtatidan 10 dan ortiq kiberhujum uyushtirilgan.
Kiberhujumlarning 87 foizi Rossiyaga qarshi qaratilgan.
Eslatib o‘tamiz, avvalroq Anonymous xakerlari Rossiya davlat telekanallari efirini buzib kirgani to‘g‘risida xabar berilgandi.
