Braziliya Rossiya bilan atom suvosti kemasi qurishi mumkin
Jair Bolsonaru bu haqda Putin bilan gaplashgan.
Braziliya prezidenti Jair Bolsonaru Rossiyadan suvosti kemalari bo‘yicha yordam so‘ragan. Bu haqda Folha de São Paulo gazetasi xabar berdi.
Gap atom suvosti kemasi haqida bormoqda. Bolsonaru ushbu masala bo‘yicha shaxsan Putinga iltimos bilan chiqqan. O‘tgan oydagi Braziliya prezidentining Moskvaga tashrifi davomida suvosti kemalari muammosi ham muhokama qilingan.
"AQSHning Braziliyaga atom suvosti kemalari loyihasida yordam berishni inkor qilishi Bolsonaruni Putinga murojaat qilishiga sabab bo‘ldi", — deyiladi xabarda.
Ushbu yo‘nalishdagi muammolardan biri foydalaniladigan yoqilg‘i sertifikatsiyasi bilan bog‘liq. Bundan tashqari, 2021 yilda Braziliya harbiy-dengiz kuchlari yadroli qurilmalarni sinovdan o‘tkazgan, bu yerda ham Rossiya tajribasi qo‘l kelishi mumkin.
Eslatib o‘tamiz, avvalroq Jair Bolsonaru Ukraina masalasiga munosabat bildirgandi.
