Xitoyda 100 dan ortiq yo‘lovchisi bor samolyot halokatga uchradi
Samolyot halokatidan keyin kuchli o‘rmon yong‘ini yuzaga kelgan.
“China Eastern Airlines” aviakompaniyasiga tegishli “Boing–737” samolyoti Xitoy janubida halokatga uchradi. Samolyot bortida 132 kishi bo‘lgani aytilmoqda.
“Flightradar” ma’lumotlariga ko‘ra, halokatga uchragan samolyot mahalliy vaqt bilan soat 13:15 da Kunmindan uchgan va Guanchjou tomon yo‘l olgan. Soat 14:20 atrofida Uchjou hududida tezlikni keskin kamaytira boshlagan va qulay boshlagan. Shundan so‘ng radar ekranlaridan yo‘qolib qolgan.
Hodisa oqibatida halok bo‘lganlar va jabrlanganlar haqida ma’lumot hozircha kelib tushmagan. Qidiruv va qutqaruv ishlari boshlab yuborilgan.
