AQSHning sayyora ustidan hukmronligi tugadi — Dmitriy Medvedev
Shuningdek, u ko‘p qutbli dunyo davri boshlanganini aytgan.
AQSH xalqaro maydonda raqobatchisi yo‘q deb hisoblab xato qiladi. Bu haqda RF xavfsizlik kengashi raisi o‘rinbosari Dmitriy Medvedev maʼlum qildi.
“AQSHning xalqaro maydonda o‘zini bu qadar tutishiga sabab – maʼlum payt ular o‘zlariga raqobatchi qolmagan deb hisoblashdi. Ammo ular xato qiladi, chunki hayot bir joyda turmaydi. Xalqaro munosabatlar rivojlanib, o‘zgarib bormoqda. XXR, Hindiston va nihoyat Rossiya Federatsiyasi bor. Shu sababli bir qutbli dunyo tugadi. Amerika Qo‘shma Shtatlari bundan buyon Yer sayyorasining xo‘jayini hisoblamaydi”, – degan u “RIA Novosti” nashriga.
Eslatib o‘tamiz, avvalroq NATO Rossiyani kimyoviy qurollar bo‘yicha ogohlantirgani to‘g‘risida xabar berilgandi.
