1-apreldan boshlab ayrim shaxslar daromad solig‘idan ozod qilinadi
Bu bo‘yicha Prezident qarori qabul qilingan.
Joriy yilning 17-yanvar kuni “Kapital bozorini qo‘llab-quvvatlashning samarali mexanizmlarini joriy etishga doir qo‘shimcha chora-tadbirlar to‘g‘risida”gi Prezident qarori qabul qilingandi.
Qarorga muvofiq, 1-apreldan boshlab quyidagi toifadagi shaxslarga bir qator soliq imtiyozlari berilmoqda.
– O‘zbekiston rezidenti va norezidenti bo‘lgan jismoniy shaxslarning aksiyalardan olgan dividendlari daromad solig‘idan ozod qilinadi;
– norezident yuridik shaxslarning aksiyalar bo‘yicha dividendlari uchun foyda solig‘ining 5 foiz stavkasi tatbiq etiladi;
– rezident va norezident jismoniy va yuridik shaxslarning xo‘jalik jamiyatlari obligasiyalari bo‘yicha daromadlari daromad solig‘i va foyda solig‘idan ozod qilinadi.
Ushbu imtiyoz 2024-yilning 31-dekabrigacha amal qiladi.
