Uzoq yillik tanaffusdan so‘ng Mo‘ynoq aeroportiga samolyot qo‘ndi
Mazkur aeroportda rekonstuksiya ishlari amalga oshirilayotgan edi.
Bugun, 26-mart kuni “Uzbekistan airways” aviakompaniyasi Toshkent-Nukus-Mo‘ynoq aviaqatnovini amalga oshirdi. Bu haqda kompaniya matbuot xizmati xabar berdi.
Ma’lum qilinishicha, Mo‘ynoq aeroporti 1990-yillardan beri aviatashuvlar uchun foydalanilmayotgan edi. Ilgari ushbu aeroportdan Nukus, Urganch, Toshkent va mamlakatimizning boshqa shaharlariga parvozlar amalga oshirilgan.
Hukumat qaroriga asosan, ayeroportni rekonstruksiya qilish 2019-yilda boshlangan. Hozirga kelib ushbu ayeroportning terminal binosi, aeroport atrofidagi to‘siqlar va uchish-qo‘nish yo‘lagi barpo etilgan.
Avvalroq Saudiya Arabistonidan Toshkentga muntazam reys yo‘lga qo‘yilgani xabar qilingandi.
