Aprel oyida Ukraina uchun xalqaro donorlar konferensiyasi o‘tkaziladi
Yangi loyiha doirasida xayriya mablag‘lari yig‘iladi.
Yevropa Ittifoqi va Kanada 9-aprel kuni Ukrainaga yordam ko‘rsatuvchi donorlarning xalqaro konferensiyasini o‘tkazadi. Bundan tashqari, Ittifoq qochqinlarni qo‘llab-quvvatlash uchun “Ukraina bilan birga bo‘l” nomli kampaniyani boshlaydi. Bu haqda Yevrokomissiya rahbari Twitterda ma’lum qildi.
“Bugun biz ’Ukraina bilan birga bo‘l’ kampaniyasini boshlamoqdamiz. Bu hukumatlar, kompaniyalar va shaxslarni Ukraina uchun mablag‘ yig‘ishga safarbar qiladi. 9-aprel kuni Kanada Bosh vaziri Jastin Tryudo va men global donorlar konferensiyasini ishga tushiramiz”, deb yozgan Ursula fon der Leyen.
Avvalroq Yevrokomissiya Ukrainadan 3,5 million qochqin YeI mamlakatlariga yetib kelganini xabar qilingandi.
