Shimoliy Koreya suvosti kemasining noodatiy harakatlari kuzatildi
Hodisa 22 mart kuni yuz bergan.
KXDR suvosti kemasining shubhali harakatlari sunʼiy yo‘ldosh tasviriga tushib qoldi. Bu haqda Vashingtondagi strategik va mintaqaviy tadqiqotlar markazi maʼlum qildi.
“22 mart kuni Sinpxo portidagi ballistik raketa joylashtirish mumkin bo‘lgan “8.24 Yonun” tajribaviy suvosti kemasining noodatiy harakatlari sunʼiy yo‘ldosh tasviriga tushib qoldi”, – deyilgan tahlil markazida.
Mutaxassislar bu kema odatda sunʼiy yo‘ldoshdan to‘sib turadigan to‘siq ostida turishini, ammo port buksiri o‘sha kuni uni ko‘rinadigan nuqtagacha sudrab borganini aniqlagan. 23 mart kuni esa u odatdagi joyiga olib borilgan.
“Ushbu harakatning aniq maqsadi maʼlum bo‘lmasa-da, katta ehtimol bilan u suvosti kemasining modifikatsiyasi, taʼmirlanishi yoki bo‘lajak ballistik raketa sinovlariga, shuningdek, ehtimoliy dushmanni chalg‘itishga qaratilgan bo‘lishi mumkin”, – deb qo‘shimcha qilingan axborotda.
Avvalroq KXDR qitʼalararo ballistik raketa sinovini amalga oshirgani to‘g‘risida xabar berilgandi.
