AQSH kongressi quyi palatasi spikeri Tayvanga tashrif buyurmoqchi
Bu Vashingtonning Xitoy bilan munosabatlarini yanada keskinlashtirishi mumkin.
AQSH Kongressi vakillar palatasi spikeri Nensi Pelosi Tayvanga tashrif buyurishni rejalashtirmoqda. Bu haqda Yaponiyaning Fuji TV telekanali xabar berdi.
Telekanalar manbalari Pelosining 8 aprel kuni Yaponiyaga kelishini, bu yerda bosh vaziri Fumio Kisida bilan uchrashishini aytgan. Shundan keyin siyosatchi Tayvanga uchib ketadi. Bu so‘nggi 25 yilda ushbu hududga Kongress vakillar palatasi spikerining ilk tashrifi bo‘ladi.
Ayrim ekspertlar bu AQSH va Xitoy munosabatlarini yanada keskinlashtirishidan xavotir bildirmoqda.
Maʼlumot o‘rnida: Tayvan 1949 yildan buyon amalda XXRdan mustaqil siyosat olib boradi. U Xitoyning ajralmas qismi ekanini butun dunyo, jumladan, AQSH ham tan oladi. Shu bilan birga aksariyat davlatlar Tayvanning Xitoy tarkibiga zo‘ravonliksiz va kuch ishlatishsiz qaytishi zarurligini taʼkidlab keladi.
Avvalroq Tayvan kompaniyasi Saudiya Saudiya mikrochip ishlab chiqarishni rejalashtirayotgani to‘g‘risida xabar berilgandi.
