Boku va Yerevan tinchlik muzokaralari o‘tkazishga tayyorgarlikni boshlaydi
Ilhom Aliyev va Nikol Pashinyan ayrim kelishuvlarga erishdi.
Bryusselda Ozarbayjon prezidenti Ilhom Aliyev, Armaniston bosh vaziri Nikol Pashinyan va Yevropa Kengashi raisi Sharl Mishel o‘rtasida uch tomonlama muzokara bo‘lib o‘tdi. Bu haqda "TASS" xabar berdi.
Ozarbayjon va Armaniston rahbarlari ayrim kelishuvlarga erishgan. Xususan, ular tashqi ishlar vazirlariga tinchlik muzokaralarini o‘tkazishni tayyorlashga topshiriq bergan.
Bundan tashqari, aprel oxiriga qadar ozarbayjon-arman chegarasini delimitatsiya qilish maqsadida ikki tomonlama komissiya tuzishga kelishilgan.
Tomonlar Qorabog‘dagi vaziyatni ham muhokama qilgan.
Avvalroq Parijda ikki davlat tashqi ishlar vazirlari uchrashuvi bo‘lib o‘tgani to‘g‘risida xabar berilgandi.
