Rossiya bilan munosabatlar masalasida NATO davlatlari ikkiga ajraldi
Ularning bir qismi Moskva bilan munosabatlarni butunlay uzishni istamoqda.
NATO davlatlari Rossiya masalasida keyingi qadamlar bo‘yicha o‘zaro kelisha olmayapti. Bu haqda The New York Times gazetasi xabar berdi.
Xususan, Boltiqbo‘yi davlatlari va Polsha Moskva bilan munosabatlarni butunlay uzish tarafdori bo‘lib turibdi. Aksincha, Fransiya, Germaniya va Turkiya ayni vaziyatdan qatʼiy nazar RF hukumati bilan aloqalarni saqlab qolish muhimligini taʼkidlamoqda.
6-7 aprel kunlari Bryusselda NATOga aʼzo davlatlar tashqi ishlar vazirlari uchrashuvi bo‘lib o‘tmoqda. Unda Ukraina masalasi muhokamalar markazida bo‘lib turibdi.
Avvalroq Polsha bosh vaziri Mateush Moraveskiy Rossiyaga qarshi sanksiyalar natija bermayotganini aytgandi.
