Polsha, Latviya, Litva va Estoniya prezidentlari poyezdda Kiyevga bordi
Yetakchilar Ukrainaga siyosiy va harbiy yordam berishlarini bildirgan
Polsha prezidenti Anjey Duda, Latviya, Litva va Estoniya rahbarli bilan Ukraina yetakchisi Vladimir Zelenskiy bilan uchrashish maqsadida poyezdda Kiyevga bordi. Bu haqda “Коммерсантъ” xabar berdi.
Litva rahbari Nauseda Twitter’da to‘rt davlat yetakchilari Ukrainaga “siyosiy va harbiy yordam” berishlarini bildirgan. Rejalashtirilgan uchrashuvning boshqa tafsilotlari e’lon qilinmagan.
Bu Ukrainada 24-fevraldan beri Yevropa yetakchilarining Kiyevga ilk tashrifidir. Germaniya prezidenti Frank-Valter Shtaynmayer ham Kiyevga borishi lozim bo’lgan, biroq Ukraina rasmiylari uni kelishini istamagan.
Eslatib o‘tamiz, avvalroq Yevropa komissiyasi rahbari Ursula fon der Leyen Kiyevga borgani haqida xabar berilgandi.
