Еврокомиссия раҳбари Киевга йўл олди
Делегация Польшанинг Прземйсл шаҳридан поездда йўлга чиққан.
Европа комиссияси раҳбари Урсула фон дер Леен Киевга жўнаб кетди. У Польшанинг Прземйсл шаҳридан поездда йўлга чиққан. Бу ҳақда "Deutsche Welle" хабар бермоқда.
EК раҳбарининг ўзи Тwitter'да ёзишича, делегация таркибида Европа Иттифоқининг ташқи ишлар ва хавфсизлик сиёсати бўйича Олий вакили Жосеп Боррелл, Словакия Бош вазири Эдуард Хегер ва бир қанча Европарламент депутатлари ҳам бор.
Урсула фон дер Леен президент Владимир Зеленский билан учрашиши режалаштирилган.
Айни пайтда Латвия элчихонаси Киевдаги фаолиятини қайта бошлагани маълум бўлди.
Латвия Ташқи ишлар вазири Эдгарс Ринкевич Украинада ишлаётган дипломатларга фидойилик ва хизматлари учун миннатдорчилик билдирди.
