Twitter aksiyadori Ilon Maskni sudga berdi
Mask Twitterning 9,2 % aksiyasiga egalik qiladi
Twitter aksiyadorlaridan biri dunyoning eng boy odami Ilon Maskni kompaniyadagi ulushini belgilangan muddatda oshkor qilmagani va aksiyalarni arzonroq narxda xarid qilagani uchun sudga berdi. Bu haqda “The Guardian” xabar berdi.
Aprel oyi boshida SpaceX va Tesla asoschisi Ilon Mask Twitter’dagi 9,2 foiz ulushga ega ekanligini e’lon qildi, shundan so‘ng kompaniya aksiyalari narxi 20 foizga oshgan.
Da’vogar Mark Beyn Rasella o‘z arizasida Mask kompaniya aksiyalarini yanvar oyida sotib olishni boshlagani va 14-aprelgacha aksiyalarning 5 foizdan ortig‘iga egalik qilganini da’vo qilmoqda. AQSh Qimmatli qog'ozlar va birjalar komissiyasi qoidalariga ko'ra, Mask o'n kun ichida, ya'ni 24-martgacha 5 foizlik chegaradan oshib ketgani haqida agentlikni xabardor qilishi kerak edi. Buning o'rniga milliarder qimmatli qog'ozlarni sotib olishni davom ettirdi va ma'lumotlarni faqat 4-aprel kuni taqdim etdi, u vaqtda Mask allaqachon Twitter aksiyalarining 9% dan ko'prog'iga egalik qilgan.
Eslatib o’tamiz, avvalroq Mask Twitter tarmog‘iga o‘zgartirish kiritishni taklif qilgandi.
